![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Autostrada del Sole u bllokua mes Monte San Savino dhe Arezzo për shkak të përleshjeve midis tifozëve të Romës dhe Napolit, të cilët shpërthyen në zonën e shërbimit të Badia al Pino, ku tifozi i Lazios Gabriele Sandri vdiq më 11 nëntor 2007.
Prandaj korsia veriore e A1 u mbyllu, me pasoja të rënda në trafik. Ultrasit e Napolit ishin nisur drejt Genovas për ndeshjen kundër Sampdorias të planifikuar për në orën 18:00, ndërsa tifozët verdhekuq udhëtonin drejt Milanos, për ndeshjen Milan-Roma, që do të zhvillohet në orën 20:45 në San Siro.
Patrullat e policisë rrugore nga seksioni Battifolle ishin në vendngjarje. Sipas informacioneve fillestare, një i plagosur është dërguar në spitalin e Arezzo-s.
Sipas asaj që është mësuar nga selia e policisë së Arezzo-s në origjinën e përleshjeve përgjatë A1, prita ishte vendosur nga një grup ultras nga Napoli ndaj romanistëve, me të parët që qëlluan me gurë dhe pastaj erdhi reagimi i verdhekuqve.
Policia ndërhyri me gaz lotsjellës dhe për të evituar situata të tjera të rrezikshme, ka bllokuar edhe qarkullimin në autostradë dhe vetëm pas disa orave është rihapur. Ndërkohë, vijon identifikimi i tifozëve të Romës dhe të Napolit që u bënë shkak të përplasjeve.
Matteo Salvini: “Kurrë më në stadium”
“Këta nuk janë tifozë. Autostrada e mbyllur dhe udhëtarët italianë të bllokuar? Le të paguajnë të gjitha dëmet nga xhepat e tyre dhe të mos shkojnë më në stadium.” Kështu u shpreh sekretari i Ligës, Matteo Salvini, i cili propozon që tifozët me precedentë të mos shkelin në stadium.